Skip to content

Redes: Feminismos e arte activista

23/03/2010

A conjunçom de processos e práticas de vanguarda política e artística registrou no movimento feminista um verdadeiro campo de provas na procura de outras, novas ou mais eficazes formas de transformaçom social.

Na vasta rede internacional que, no mínimo desde finais da década de 60, deu cabida a esta caste de arte activista é possível localizar um nodo radicado no espaço público e nos movimentos sociais galegos.

Para além de iniciativas mais institucionalizadas, como a Marcha Mundial das Mulheres, ou de colectivos com um perfil de participaçom política da esquerda mais clássica (Mulheres Nacionalistas Galegas), trajectórias históricas como as do colectivo Mulheres Transgredindo (desde Compostela e no entorno da Casa Encantada) ou mais recentes, como a das Lerchas (desde Ourense) ou Nomepisesofreghao (desde a Corunha), venhem porfiando na apropriaçom e manipulaçom das ferramentas artísticas e comunicativas como metodologia de intervençom política.

Acçom de Mulheres Transgredindo

Este ideia de rede, entendida como nodo plural de participaçom colectiva, começa a cobrar aços, auto-consciência e visibilidade através da Rede feminista galega, cuja primeira irrupçom no espaço público tivo lugar o passado 28 de Novembro.

Acçom da Rede Feminista Galega (28/11/09)

As extensons e alianças do movimento feminista galego tenhem alcançado na contemporaneidade sistemas e campos de actuaçom de diverso tipo. Um vínculo inescusável é o estabelecido com aqueles colectivos que, como Maribolheras Precárias, estám a desenvolver um trabalho  intenso contra a homofobia e o heterossexismo, e atento à multiplicidade das subjectividades sexuais marcadas como diferentes.

Mostras distintas da potencialidade do trabalho em rede, e dum princípio de inclusom que se entende como recíproco som as alianças estabelecidas polo feminismo com os movimentos contra a precariedade, com os colectivos migrantes ou, por citar um último exemplo, com a cultura livre.

Anúncios

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão / Alterar )

Imagem do Twitter

Está a comentar usando a sua conta Twitter Terminar Sessão / Alterar )

Facebook photo

Está a comentar usando a sua conta Facebook Terminar Sessão / Alterar )

Google+ photo

Está a comentar usando a sua conta Google+ Terminar Sessão / Alterar )

Connecting to %s

%d bloggers like this: