Skip to content

Escrever poesia em Asturies

26/03/2010

Si reparamos nel contestu de la lliteratura asturiana la posibilidá dominante nun ye la nuestra (nin la d’Iván nin la de mio) sinón la que l’autor de Los homes de bronce denomara <posibilidá Fernán-Coronas>, pero que na mio opinión tamién podía denomase <posibilidá Juan de Lillo>, yá que la xente sensato, independientemente del so idioma vehicular, entiende y defende que la visibilización del conflictu non sólo sobre y considérase contraproducente y anacrónica sinón que pa detrás a elementos como les barricaes ñeguénse-yos cualesquier mena de valor estéticu, en y en pos, the barricades must be torn down [Paul Mattick <The barricades must be torn down: Moscow-fascism in Spain>, publicáu n’International Council Correspondence, vol. 3, númberos 7-8 (August 1937)] (…).

Sía como quier, nun se m’escapen dos coses. D’uno, que los escritores asturianistes van refugar vínculo cualquiera con Juan de Lillo, masque políticamente y estéticamente sían tan amigos del formol como’l fundador d’Asturias Semanal. Yá conseñé dacuando que l’asturianismu ye un movimientu conservador que paez desenvolvese acordies coles lleis d’una lóxica autónoma propia d’un mundu suprallunar, mandándose d’un idealismu qu’evita l’entrugar y analizar la realidá, sustituyendo’l sistema de mentires y falcatrúes del establishment por un sistema d’ilusiones igualmente negativu onde se minimicen les rellaciones sociales y les diferencies de clase, xustificándolo en pro del alcance d’un consensu ideal (y con éses, inútil) que ye, a les clares, parte del procesu qu’Henri Boyer denomó ideoloxización de la diglosia. Ello ye que si falo de <posibilidá Juan de Lillo> nun ye tanto provocación como l’espeyar qu’hai determinaos discursos que trescalen hasta garrar sellu de lexitimidá en quien nun desarrollaran talos discursos que, otra manera, son asumíos de manera acrítica y, ¿por qué nun lo dicir?, al encruz d’una estética cutre y patética.

D’otro, que ta claro que l’introducir barricaes y adoquinos na obra poética nin te fai militante políticu, nin ganes sentíu estéticu, nin muncho menos implica amosar dél procuru llingüísticu. Namás hai que remembrar al pa que talos elementos nun foron otro qu’oxetu d’adornu o al que los usó a manera reclamo panfletariu, imaxinándose <na trinchera/del Llano un día/d’ochobre del 34> [Ramón Lluís Bande, Patries palabres d’amor, Ámbitu, Uviéu, 1994, p.7]. Otros, como aquellos Intolerance que recordaben nel hit “Ochobre 34” a los que pelearon <nes barricaes lluchando pola verdá>, acullá de les falles lliteraries, tuvieron l’éxitu del públicu (miles de copies d’aquel EP); y húbolos, casu del grupu Avientu, qu’ante aquello que titularon “Llicenciáu en barricaes” namás somos a pensar/dicir el míticu ai, mamina. Sía que fuere, agora que yá nun cortamos los árboles pa facer barricaes [Frase de Arma X na so versión del <Kuenka chunga> de Dixebra nel cd Perversiones. ¡Salú ya dixebra! (L’Aguañaz, Uviéu, 2007)], hai tempu bastante pa, talo qu’escribiera Vladimir Mayakovski, rumiar l’adoquín ingrientu de les idees y echar pelos estetes que pedriquen l’apoliticidá.

Fragmento de “Poética de l’acción colectiva”, texto escrito por Rafael Rodríguez Valdés como limiar a Cácabos d’adoquín, livro de poemas da autoria de Iván Cuevas. A obra foi publicada por Suburbia Ediciones em 2009, dentro da colecçom Males tierres.

Anúncios
No comments yet

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão / Alterar )

Imagem do Twitter

Está a comentar usando a sua conta Twitter Terminar Sessão / Alterar )

Facebook photo

Está a comentar usando a sua conta Facebook Terminar Sessão / Alterar )

Google+ photo

Está a comentar usando a sua conta Google+ Terminar Sessão / Alterar )

Connecting to %s

%d bloggers like this: